من مواليد 1977 من مدينة الخالدية محافظة #الأنبار .

هالبنت العظيمة يتيمة الأب والأُم 💔
طموحها الرائع كان رفيقها الدائم رغم أنها چانت تسمع كلام الناس الجارح عنها وتنمرهم بس ما رضخت للحچي
ولا أستسلمت للمرض إلي طول وياها 12سنة وأفقدها قدرتها على المشي طوال كل هذهِ المُدة
من عافاها الله ورجعتلها نعمة المشي وأستخدام ساقيها
أول شي سوته رجعت لمقاعد الدراسة (ورحلتها ما كانت سهلة هنا أيضاً )،
أول مدرسة راحتلها ما قبلوها بحجة أنها تاركة لسنوات طويلة !
ثاني مدرسة مسائية قبلوها ودعموها وفعلاً نجحت بكل الصفوف وتخرجت من الإعدادية
حبت تكمل قانون وبدأت رحلة جديدة
أول جامعة قصدتها ما قبلوها بسبب طولها القصير!(ياريت العميد ديشوف المنشور هسه ويتذكر كلامه وياها!)
ثاني كلية رحبوا بيها وكملت يمهم
وحالياً هي المحامية رجاء
موظفة في إحدى منظمات المجتمع المدني (نساء بغداد) على الجانب القانوني .
يا جماعة القصة مُلهمة بيها طاقة إيجابية مُذهلة ورجاء نموذج قدوة رائع ،ياريت كل الناس إلي عدهم أفراد من فئة ذوي الإحتياجات الخاصة يدعموهم ويكونون سند حقيقي ☘💚
*الصورة مع الرائعة رجاء وست حنان عودة مديرة دائرة رعاية ذوي الاحتياجات الخاصة / الانبار خلال جلسة (أنتِ سليمة) التي نظمتها مؤسسة (لنحيا بسلام) بتمويل من قبل جمعية الأمل العراقية في مدينة الرمادي .